Azərbaycanda məktəbdə kütləvi zəhərlənmə - YENİLƏNİB - FOTOlar

12:07

Respublika Təcili və Təxirəsalınmaz Tibbi Yardım Mərkəzinə aprelin 11-də saat 09:40 radələrində Tovuz rayonunun Düz Cırdaxan kənd orta məktəbində tüstüdən zəhərlənmə şübhəsilə çağırış daxil olub.

Bu barədə APA-nın sorğusuna cavab olaraq TƏBİB-dən bildirilib.

"Çağırış ünvanına təcili tibbi yardım briqadaları cəlb olunub. 5 nəfər ( məktəbli) Tovuz Rayonu Mərkəzi Xəstəxanasının Təcili yadım şöbəsinə hospitalizasiya olunub. Onlara dəqiqləşməmiş tüstü zəhərlənməsi diaqnozu təyin edilib. Onların hər birinə zəruri tibbi xidmətlər göstərilib. Hazırda vəziyyətləri qənaətbəxş qiymətləndirilir", məlumatda deyilir.

11:05

Tovuzda orta məktəbdə şagirdlərin zəhərlənməsinin təfərrüatı məlum olub.

APA-nın yerli bürosunun əldə etdyi ilkin məlumata görə, məktəblilər sinif otağında sobadan ayrılan tüstüdən zəhərləniblər.

Faktla bağlı araşdırma aparılır.

10:41

Tovuzda məktəbdə kütləvi zəhərlənmə olub.

meqale.com oxuya istinadla xəbər verir ki, hadisə Düzcırdaxan kənd tam orta məktəbində qeydə alınıb.

Qaz sobasından dəm qazının sızması nəticəsində bir neçə şagird zəhərlənib.

Faktla bağlı araşdırmalar aparılır.