57 milyonluq evini sığınacağa çevirmək istədi, amma...

Adını "Ye" olaraq dəyişən dünyaca məşhur reper Kanye Uest bir müddət əvvəl Malibuda yerləşən 57 milyon dollarlıq malikanəsini bomba sığınacağına çevirmək istəyib.

meqale.com axşam.az-a istinadən bildirir ki, evini pəncərəsiz, işıqsız və suyu olmayan məkana çevirmək istəyən reperin arzusu peşəkarlar tərəfindən isə dəstəklənməyib. Evin təmiri layihəsinin meneceri Tony Sakson bununla bağlı ifaçıya imtina cavabı verdikdən sonra işindən qovulub. 

Menecer hazırda Los-Anceles Ali Məhkəməsində Kanye Uestə qarşı iddia qaldırıb. Toni onu əmək qanunlarını pozmaqda və 1 milyon dollardan çox əmək haqqınının ödənilmədiyini bildirib:

"2021-ci ilin sentyabrında musiqiçinin layihəsini həyata keçirmək üçün işə götürüldüm. Gündə 16 saat işləyirdim. Yerdə yatırdım və eyni zamanda layihə meneceri, usta, 24 saat mühafizəçi kimi xidmət edirdim. Dəfələrlə reperə layihə ilə bağlı narahatlığını bildirdim, lakin onlara məhəl qoymadı.

2021-ci ilin noyabrında musiqiçi malikanənin bütün pəncərələrindən və elektrik enerjisindən qurtulmağı tələb etdi. İmtina etdim. Generatorları evin içərisinə köçürərkən isə Kanyeyə mümkün yanğın barədə xəbərdarlıq etdim. Bundan sonra isə reper məni təhqir edərək bir həftəlik maaşımı verdi və işdən qovdu".