Budağında 20 qəpik, qadınların əlində isə 60 qat dəyər qazanır - FOTO

Türkiyədə qadınların əməyi və sahibkarlıq ruhu təbiətdən gələn sadə məhsulları yüksək gəlirli sənət əsərlərinə çevirir. Xüsusilə kənd yerlərində yaşayan qadınlar, bağ-bağatdan topladıqları və kiloqramı cəmi 5 lirə (2o qəpik) olan məhsulları emal edərək qiymətini 60 dəfə artırmağı bacarırlar.

meqale.com xəbər verir ki, qadınlar təbiətdən topladıqları şam qozaları, müxtəlif yabanı bitkilər və meyvələri xüsusi üsullarla emal edirlər. Məsələn, meşədən toplanan şam qozasının kiloqramı xam halda cəmi 5 lirəyə satılırsa, qadınlar ondan hazırladıqları qoza mürəbbəsi və ya qoza bəkməzi (doşabı) ilə bu qiyməti 300 lirəyə qədər qaldırırlar.

Qadın kooperativləri və fərdi sahibkarlar tərəfindən istehsal edilən əsas məhsullar bunlardır:

Mürəbbə və bəkməzlər: Şam qozası, qızılgül, badımcan və digər meyvələrdən hazırlanan təbii məhsullar.

Qurudulmuş tərəvəzlər: Bibər, badımcan və pomidor quruları.

Əl işləri: Təbii materiallardan hazırlanan dekorativ bəzək əşyaları.

Bu proses təkcə iqtisadi qazanc deyil, həm də qadınların sosial həyatda və iqtisadiyyatda daha aktiv rol almasını təmin edir. Dövlət və yerli qurumlar tərəfindən dəstəklənən qadın kooperativləri sayəsində bu məhsullar artıq nəinki yerli bazarda, hətta internet üzərindən xarici ölkələrə də göndərilir.