Üz baxımında ən mühüm qayda

Dərini düzgün təmizləmədən bahalı kremlərdən və serumlardan istifadə etməyin mənası yoxdur, çünki məhsullar dərinin alt qatlarına nüfuz etməyəcək.

meqale.com publika.az-a istinadən xəbər verir ki, dermatoloq-kosmetoloq Lyubov Stolina müsahibəsində bu barədə danışıb.

Onun fikrincə, baxımda müvəffəqiyyətin açarı yaxşı təmizləyicidir və o, insanın dəri tipinə uyğun olmalıdır. Parlaq makiyajı sevməyənlər göz makiyajı təmizləyicisi istifadə etməyə bilər. Bunun əvəzinə tonikdən istifadə etmək daha yaxşıdır, çünki bu məhsul yuyulduqdan sonra dərinin turşuluğunun və nəmlənməsinin bərpasında mühüm addımdır.

"Üz üçün seruma da laqeyd qalmaq olmaz, çünki kremdən daha zəngin tərkibə malikdir. Bundan əlavə, sızanaq, piqmentasiya və qırışlar kimi problemləri düzəldə bilər. Serum səhər və axşam istifadə edilə bilər. Kremli teksturalı serumlara diqqət yetirin; belə məhsullar gecə kremi almaq ehtiyacını aradan qaldıra bilər", - Stolina məsləhət görüb.

Onun sözlərinə görə, gündüz kremi ev baxımının mütləq atributudur. Dərini nəmləndirir, maneələri və bakterial floranın tərkibini bərpa edir, ultrabənövşəyi radiasiyadan, qadjetlərdən gələn mavi işıqdan, həmçinin havadakı yanacağın yanma məhsullarının kirindən qoruyur. Gecə kremləri isə sızanaq, piqmentasiya və dəri quruluğu ilə mübarizə aparır.

Bundan əlavə, ekspert izah edib ki, üz maskalarını həftədə iki dəfədən çox tətbiq etmək olmaz. Ölü dəri hüceyrələrinin çıxarılmasına gəlincə, evdə pilinqdən istifadə etmək daha yaxşıdır: tərkibi AHA turşuları və fermentləri olan serumlar və kremlər, həmçinin retinoidləri olan məhsullar. Kosmetoloq yekunda qeyd edib ki, üz baxımına SPF gündüz üz kremi də daxil edilməlidir.