Kamaləddin Qafarov: “ Üçrəngli bayrağımız daim zirvələrdə olacaq! ”
"Bu il Azərbaycan xalqı 9 noyabr Dövlət Bayrağı Gününü indiyədək görünməmiş ruh yüksəkliyi və böyük təntənə ilə qeyd edir. Bu il oktyabrın 15-də Ölkə Prezidenti İlham Əliyev müqəddəs üçrəngli bayrağımızı Xankəndidə ucaltdı və bununla da Azərbaycanın bütün ərazisində dövlətimizin suverenliyi tam bərpa edildi." Bu sözləri mətbuata verdiyi açıqlamasında Azərbaycan Milli Məclisinin deputatı Kamaləddin Qafarov deyib.
Moderator
Noyabr 9, 2023 11:18
1
0
"Bu il Azərbaycan xalqı 9 noyabr Dövlət Bayrağı Gününü indiyədək görünməmiş ruh yüksəkliyi və böyük təntənə ilə qeyd edir. Bu il oktyabrın 15-də Ölkə Prezidenti İlham Əliyev müqəddəs üçrəngli bayrağımızı Xankəndidə ucaltdı və bununla da Azərbaycanın bütün ərazisində dövlətimizin suverenliyi tam bərpa edildi." Bu sözləri mətbuata verdiyi açıqlamasında Azərbaycan Milli Məclisinin deputatı Kamaləddin Qafarov deyib.
Millət vəkili bildirib ki, Dövlət Bayrağı Gününün qeyd olunması Azərbaycan Xalq Cümhuriyyətinin tarixi ilə bağlıdır. "Bu bayraq ilk dəfə 1918-ci il noyabrın 9-da Bakıda, AXC hökumətinin iclasında qəbul edilib və iclasın keçirildiyi Azərbaycan Xalq Cümhuriyyəti Nazirlər Şurasının binası üzərində dalğalandırılıb."
Deputat vurğulayıb ki, Ulu Öndər Heydər Əliyevin təşəbbüsü ilə üçrəngli bayrağımızın uzun illərdən sonra ilk dəfə Naxçıvan Muxtar Respublikasının dövlət bayrağı kimi qəbul olunması sonradan Azərbaycan Respublikasının AXC-nin varisi kimi təqdim olunması baxımından mühüm rol oynayıb: "Dövlət bayrağındakı üç rəngin ifadə etdiyi və XX əsrin əvvəllərindəki milli istiqlal ideologiyamızın üç təməl prinsipini təşkil edən "Türkçülük, müasirlik və islamçılıq" düsturunun müəllifi görkəmli Azərbaycan mütəfəkkiri Əli bəy Hüseynzadə olub. Respublikamızın SSRİ tərkibində mövcud olduğu 70 il ərzində qadağalar altında olan həmin bayraq uzun illər sonra ilk dəfə Naxçıvanda qaldırıldı. 1990-cı il noyabrın 17-də Naxçıvan Muxtar Respublikası Ali Məclisinin sədri Heydər Əliyevin təşəbbüsü və rəhbərliyi ilə keçirilən sessiyada üçrəngli bayrağımız Naxçıvan Muxtar Respublikasının Dövlət bayrağı olaraq təsdiq edilmişdir. Bu, SSRİ-nin hələ mövcud olduğu dövrdə böyük cəsarət tələb edən qərar olmaqla yanaşı, eyni zamanda da bir il sonra müstəqilliyini bərpa etmiş Azərbaycan Respublikası ilə Azərbaycan Xalq Cümhuriyyəti arasında varislik münasibətlərinin təsbit edilməsi baxımından mühüm addım oldu. 1991-ci il fevralın 5-də Azərbaycan Respublikasının Ali Soveti "Azərbaycan Respublikasının Dövlət bayrağı haqqında" Qanun qəbul edərək onu Dövlət bayrağı elan etmişdir. 1991-ci il oktyabrın 18-də "Azərbaycan Respublikasının dövlət müstəqilliyi haqqında" Konstitusiya Aktı ilə Azərbaycan Respublikası Azərbaycan Xalq Cümhuriyyətinin varisi kimi onun dövlət rəmzlərini, o cümlədən Dövlət bayrağını bərpa etmişdir. Azərbaycan Respublikasının Prezidenti İlham Əliyevin 2009-cu il noyabrın 17-də imzaladığı Sərəncamla hər il 9 noyabr tarixi ölkəmizdə Dövlət Bayrağı Günü kimi qeyd edilir."
Millət vəkili bildirib ki, Dövlət Bayrağı Gününün qeyd olunması Azərbaycan Xalq Cümhuriyyətinin tarixi ilə bağlıdır. "Bu bayraq ilk dəfə 1918-ci il noyabrın 9-da Bakıda, AXC hökumətinin iclasında qəbul edilib və iclasın keçirildiyi Azərbaycan Xalq Cümhuriyyəti Nazirlər Şurasının binası üzərində dalğalandırılıb."
Deputat vurğulayıb ki, Ulu Öndər Heydər Əliyevin təşəbbüsü ilə üçrəngli bayrağımızın uzun illərdən sonra ilk dəfə Naxçıvan Muxtar Respublikasının dövlət bayrağı kimi qəbul olunması sonradan Azərbaycan Respublikasının AXC-nin varisi kimi təqdim olunması baxımından mühüm rol oynayıb: "Dövlət bayrağındakı üç rəngin ifadə etdiyi və XX əsrin əvvəllərindəki milli istiqlal ideologiyamızın üç təməl prinsipini təşkil edən "Türkçülük, müasirlik və islamçılıq" düsturunun müəllifi görkəmli Azərbaycan mütəfəkkiri Əli bəy Hüseynzadə olub. Respublikamızın SSRİ tərkibində mövcud olduğu 70 il ərzində qadağalar altında olan həmin bayraq uzun illər sonra ilk dəfə Naxçıvanda qaldırıldı. 1990-cı il noyabrın 17-də Naxçıvan Muxtar Respublikası Ali Məclisinin sədri Heydər Əliyevin təşəbbüsü və rəhbərliyi ilə keçirilən sessiyada üçrəngli bayrağımız Naxçıvan Muxtar Respublikasının Dövlət bayrağı olaraq təsdiq edilmişdir. Bu, SSRİ-nin hələ mövcud olduğu dövrdə böyük cəsarət tələb edən qərar olmaqla yanaşı, eyni zamanda da bir il sonra müstəqilliyini bərpa etmiş Azərbaycan Respublikası ilə Azərbaycan Xalq Cümhuriyyəti arasında varislik münasibətlərinin təsbit edilməsi baxımından mühüm addım oldu. 1991-ci il fevralın 5-də Azərbaycan Respublikasının Ali Soveti "Azərbaycan Respublikasının Dövlət bayrağı haqqında" Qanun qəbul edərək onu Dövlət bayrağı elan etmişdir. 1991-ci il oktyabrın 18-də "Azərbaycan Respublikasının dövlət müstəqilliyi haqqında" Konstitusiya Aktı ilə Azərbaycan Respublikası Azərbaycan Xalq Cümhuriyyətinin varisi kimi onun dövlət rəmzlərini, o cümlədən Dövlət bayrağını bərpa etmişdir. Azərbaycan Respublikasının Prezidenti İlham Əliyevin 2009-cu il noyabrın 17-də imzaladığı Sərəncamla hər il 9 noyabr tarixi ölkəmizdə Dövlət Bayrağı Günü kimi qeyd edilir."
