Mədən yatağında qızıldan daha dəyərli xəzinə tapıldı: 3 milyard illik sərvət

Cənubi Afrikadakı qızıl mədənlərində araşdırma aparan elm adamları, qızıldan daha strateji və qiymətli bir xəzinə aşkar ediblər. "Witwatersrand" hövzəsinin dərinliklərində, dünyada qıtlığı çəkilən nəhəng bir helyum ehtiyatı müəyyən edilib.

meqale.com xəbər verir ki, "Virginia Gaz Layihəsi" çərçivəsində aparılan araşdırmalar nəticəsində aşkar olunan bu qaz ehtiyatının tərkibində rekord səviyyədə - 12% helyum olduğu bəlli olub. Elm adamları, 3 milyard illik qayaların arasında sıxılıb qalan bu helyumun təxminən 270 milyon il əvvəl yarandığını təxmin edirlər.

Helyum qazı təkcə şarlarda istifadə olunan bir maddə deyil; o, müasir texnologiyanın davamlılığı üçün əvəzolunmazdır.

Tibbdə istifadə olunan MRI cihazlarındakı super keçirici maqnitləri soyutmaq üçün istifadə olunan tək ideal maddədir.

Kosmik gəmilərdə və yüksək texnologiyalı istehsalat müəssisələrində geniş istifadə olunur.

Dünya üzrə təbii helyum ehtiyatları sürətlə tükəndiyi üçün bu yeni tapıntı qızıl mədənlərindən daha strateji əhəmiyyət daşıyır.

Geoloqlar müəyyən ediblər ki, bu qiymətli qaz uranla zəngin qızıl damarlarından gəlir. Milyonlarla il davam edən radioaktiv parçalanma nəticəsində ortaya çıxan bu qaz, yer qabığının dərinliklərindəki mikrobial həyatın izlərini öyrənmək üçün də əvəzsiz bir laboratoriya imkanı yaradır.