Papuaşvili: Radikal liderlərin Baltikyanı ölkələrə səfərləri Gürcüstana qarşı siyasətin bir hissəsidir
Son dövrlərdə radikal liderlərin Baltikyanı ölkələrə tez-tez səfər etməsi həmin dövlətlərin Gürcüstana qarşı həyata keçirdiyi siyasətin bir hissəsidir.
Moderator
Mart 24, 2025 01:19
23
0
Gürcüstan bürosu xəbər verir ki, bunu ölkə parlamentinin sədri Şalva Papuaşvili deyib.
O, eks-prezident Salome Zurabişvilinin Baltikyanı ölkələrə səfər etməsinin maliyyələşdirilməsinin kim tərəfindən olduğunu soruşub və bu sualın cavabının Zurabişvilinin kimə xidmət etdiyini göstərəcəyini bildirib.
Papuaşvili həmin ölkələrin xüsusilə Rusiyaya qarşı qorxularını başa düşdüyünü qeyd edərək, Gürcüstanı siyasi maraqları üçün bir alət kimi istifadə etdiklərini vurğulayıb.
“Baltikyanı ölkələrin Gürcüstanı sadəcə bir vasitə kimi görməsi və bunun vasitəsilə Rusiyanın diqqətini başqa məsələlərə yönəltməyə çalışması çox üzücüdür”, – o əlavə edib.
Parlament sədri, həmçinin Baltikyanı ölkələrdə radikal qeyri-hökumət təşkilatlarının da fəaliyyətinin artığını və onların Gürcüstana qarşı olan planların birbaşa icraçısı olduqlarını qeyd edib.
