Saçını tez-tez yuyanlara pis xəbər - Mütəxəssislər xəbərdarlıq edir

Saçı tez-tez yumağın faydalı olduğu düşünülür, lakin mütəxəssislər bu vərdişin saç və dəri sağlamlığı üçün mənfi nəticələrə yol aça biləcəyini bildirirlər. meqale.com xəbər verir ki, dermatoloqların sözlərinə görə, saçın gündəlik və ya həddindən artıq yuyulması baş dərisinin təbii yağ balansını pozur. Nəticədə saçlar daha tez quruyur, kövrəkləşir və tökülmə riski artır. Eyni zamanda baş dərisində qaşınma, kəpək və həssaslıq kimi problemlər yarana bilər.

Mütəxəssislər qeyd edirlər ki, tez-tez yuma baş dərisini qoruyan təbii yağ qatını aradan qaldırdığı üçün orqanizm bu itkini kompensasiya etməyə çalışır və daha çox yağ ifraz edir. Bu isə saçların daha tez yağlanmasına səbəb olur və yanlış bir dövr yaradır.

Həkimlər saç tipinə uyğun yuma rejiminin seçilməsini tövsiyə edirlər. Normal saçlar üçün 2-3 gündə bir dəfə yuma kifayət hesab olunur. Yağlı saçlara sahib şəxslərə isə uyğun şampunlardan istifadə etməklə yuma tezliyini tədricən azaltmaq məsləhət görülür.

Ekspertlər vurğulayırlar ki, düzgün qulluq vasitələrinin seçilməsi və həddindən artıq yuma vərdişindən imtina saçların sağlam görünüşünü qorumaq üçün əsas şərtlərdəndir.