Ançelottinin Ardayla bağlı dedikləri səs-küyə səbəb oldu - Hamı ondan danışır

Real Madridin direktoru Karlo Ançelottinin Arda Gülər və onun məhdud oyun vaxtı ilə bağlı verdiyi açıqlamalar İspaniyada böyük rezonans doğurub.

meqale.com xarici mediaya istinadla xəbər verir ki, italiyalı məşqçi mətbuat konfransında Arda Gülər haqqında danışaraq, futbolçunun ətrafındakı şəxslərlə çox vaxt keçirdiyini qeyd edib.

Bu açıqlamalar İspaniya mediasında geniş müzakirə mövzusuna çevrilib.

Cadena Ser radiosu jurnalistlərindən Manuel Bartolome Carreno Ançelottinin bu açıqlamalarını "qeyri-adi" adlandırıb və bunun futbolçuya və onun ətrafına açıq bir mesaj olduğunu bildirib.

Dani Qarrido isə Gülərin milli komandada yaxşı çıxış etdiyini, lakin Real Madridin hücum xəttində oynamaq üçün daha çox rəqabətlə üzləşdiyini vurğulayıb.

Qeyd edək ki, fevralın 25-də keçirilən mətbuat konfransında Ançelotti bildirib:

"Şübhəsi olan hər bir futbolçu mənim otağıma gələ bilər. Mən hamı ilə danışıram. Arda, Endrik və digər gənc oyunçular da bu prosesin bir hissəsidir. Oxuduğuma görə bir 'Arda Gülər hadisəsi' var, amma bu hadisə mənə çatmayıb."

Ançelotti əlavə edib ki, Real Madrid dünyanın ən yaxşı komandalarından biridir və burada rəqabət yüksək səviyyədədir. O, futbolçuların oynamaq üçün çalışmalı və hazır olmalı olduqlarını vurğulayıb.

Arda Gülərin gələcəkdə Real Madrid heyətində daha çox yer alıb-almayacağı futbolsevərlərin maraqla izlədiyi mövzular arasındadır.