"Bu gün 18 yaşı tamam olan seçici dairəmizdə səs verib" - Seçki Komisiyasının katibi

Bu gün 18 yaşı tamam olan seçici 30 nömrəli seçki dairəsində səs verib.

meqale.com Trend-ə istinadən xəbər verir ki, bunu, 30 nömrəli seçki məntəqəsinin seçki komisiyasının katibi Zərifə Cəfərova deyib.

"Məntəqəmiz ilk dəfədir açılıb. İlk dəfə açılmasına baxmayraq aktivlik müşahidə olunur. Hər yaş təbəqəsindən seçicimiz var. Bu il fevral ayının 7-də ad günün qeyd edən ən gənc seçici Nəzrin Məmmədova bizim seçki dairəmizdə səs verib. Aktivlik çox yaxşıdır", - deyə o, əlavə edib.

Qeyd edək ki, bu gün Azərbaycanda Prezident seçkiləri keçirilir. Prezident seçkilərində 7 nəfərin namizədliyi qeydə alınıb. Onlardan 5 nəfərin namizədliyi siyasi partiyalar tərəfindən, 2 nəfərin namizədliyi öz təşəbbüsü ilə irəli sürülüb. Yanvarın 9-da prezidentliyə namizədliyin qeydə alınması başa çatıb.

Seçici siyahılarında 6 milyon 478 min 623 seçicinin adı var. Onlar ölkə üzrə 6537 məntəqədə səs verəcəklər.

Seçkiləri izləmək üçün indiyə qədər 90 372 müşahidəçi qeydə alınıb. Onların 790 nəfəri 72 beynəlxalq təşkilatı təmsil edən müşahidəçilərdir. Bu müşahidəçilər 89 ölkədəndir.

Seçkilər bütün Azərbaycan ərazisini, o cümlədən, işğaldan azad edilmiş əraziləri əhatə edir. İşğaldan azad edilən ərazilərdə 26 seçki məntəqəsi yaradılıb.

Xaricdə olan Azərbaycan vətəndaşları üçün 37 ölkədə səfirlik və konsulluqlarda 49 seçki məntəqəsi yaradılıb. Həmin məntəqələrdə 23 mindən artıq seçici səsvermə hüququndan istifadə edəcək.

Seçkilərdə 190 beynəlxalq media qurumu iştirak edir. Onların 216 təmsilçisi beynəlxalq müşahidəçi kimi qeydə alınıb.